Story of a Lizard

یہ چھپکلی کا بچہ ہے۔ تین دن سے ہمارے فرج کے پاس پڑا ہے۔ میں سمجھہ رہی تھی کہ اس میں کوئی جن ون ہے اور میرے پیچھے کسی نے بھیجا ہے۔ پہلے دن میں نے وظیفے دعائیں پڑھیں لیکن گیا ہی نہیں۔ ہم پاس سے آجا رہے ہیں پھر بھی نہیں بھاگا۔۔۔ میں نے کہا دیکھا ثابت ہو گیا کسی کا اثر ہے ورنہ سورہ یسین سے تو لازما بھاگ جاتی ہیں جن کے اثر والی چھپکلیاں۔۔۔۔۔۔ دوسرے دن میری بیٹی نے اسکو اسٹڈی کیاکچھہ تجربات کئے۔۔۔ کہنےلگی یہ اوپر سے گری ہے اورآگے پیچھے بھاگ نہیں سکتی صرف اپنی جگہ گھوم رہی ہے۔ ظاہر ہے ہم سے ڈر رہی ہے۔۔۔ مجھہ سے کہنے لگی اسے ماردیں ورنہ کب تک بھوک سے تڑپ تڑپ کے جان دے گی۔۔۔ میں نے کہا بھئی اب میں اسے مکڑیاں اور کیڑے کہاں سے لا کر دوں۔۔۔ اور ادھر ادھر بھاگ رہی ہوتی تومیں مار دیتی۔۔۔ یہ تو بے بس ہے اور بےبس کو مارنا کچھہ اچھا نہیںلگتا۔۔۔  آج تیسرا دن بھی گذر گیا۔۔۔ سمجھہ نہیں آرہا کیا کریں۔۔۔۔۔

سورہ یسین پر یاد آیا۔ بہت سال پہلےبھی پاکستان کے اسی طرح کے حالات تھے۔۔۔ امی سےسنا تھا اور کتابوں میں بھی پڑھے تھے فضائل سورہ یسین کے۔۔۔ تو میں نے نا اپنی کتاب سے پاکستان کا نقشہ کاٹ کے قرآن میں سورہ یسین کے درمیان رکھدیا تھا۔۔۔ اور میں بہت سال اسی یقین پررہی کہ سورہ یسین کی  وجہ سے پاکستان محفوظ رہا۔۔۔ پھر پتہ نہیں کیا ہوا۔۔۔

اس بے بس ومجبور چھپکلی کو دیکھہ کر یاد آیا کہ سنا ہےچھپکلیاں بہت سخت جان ہوتی ہیں۔۔۔ اور پاکستانی شاید ان سے بھی زیادہ سخت جان۔۔۔ ساری دنیا کی شیطانی طاقتیں پیچھے لگی پڑی ہیں۔ اپنی دولت بہترین توانائی اور بد ترین صلاحیتیں پاکستان اور پاکستانیوں کو ختم کرنے پر ضائع کرہی ہیں۔۔۔ ابھی تک تو وہی ناکام ہیں۔۔۔ پاکستانیوں پر تو تھوڑا بہت زور چل جاتا ہے انکا۔۔۔ یقینا ہمارے غیر ذمہ دارانہ رویے کی وجہ سے۔۔۔ لیکن پاکستان بمقابلہ شیطان ابھی تک کھڑا ہے۔۔۔

ائے ہئے۔۔۔ اتنے دنوں سے قرآن میں یہ آیت تلاش کررہی ہوں مل کے ہی نہیں دے رہی۔۔۔ خداکسی قوم پر اس وقت تک عذاب نہیں نازل کرتا جب تک اس میں حق کہنے والے موجود ہوں یابرائی سے روکنے اور اچھائی کی ترغیب دینے والے موجود ہوں۔۔۔ کسی کو ملے تو مجھے ذرا بتادیں پلیز۔۔۔۔

اور شاید کہ سیلانی ویلفئر اور مدرسے والوں کے دل میں اتر جائے میری بات۔۔۔ مسلمان آزادی کی علامت ہے۔۔۔ وہ مجبور اور بے بس لوگوں کو دو روٹی اورچار دانے چاول کے لئے اپنا غلام بنا کر اپنے مقاصد کے لئے استعمال نہیں کرتا۔۔۔ حافظ قرآن کوبسوں اور سڑکوں پر دس بیس روپےیا ایک تھیلا آٹے کے لئے ہاتھہ پھیلانے نہیں بھیج دیتے۔۔۔ رسول نے تو بتایاکہ جو گھر سے علم کے لئے نکلے الله اسکے لئے ایک سال کا رزق مقدر کردیتے ہیں۔۔۔  خدا کی قسم رسول نے غلط نہیں کہا۔۔۔