Kaffarah

لوگ کہتے ہیں کہ کاروبار دو طریقوں سے ہوتا ہے۔۔۔ ایک تو یہ کہ جس چیز کی طلب زیادہ ہے وہ بیچ کر دولت کمائیں۔۔۔ دوسرے کہ جو چیز آپ بیچنا چاہ رہے ہیں لوگوں کو اسکی اہمیت کا احساس دلائیں کہ وہ کتنی فائدہ مند ہے۔۔۔ کیونکہ لوگ صرف فائدہ کی بات سمجھتے ہیں۔۔۔ کسی کام کے کرنے میں کیا فائدہ ہے۔۔۔ کسی سے ملنے میں کیا فائدہ ہے۔۔۔ تعلیم کا کچھہ فائدہ ہے کہ نہیں۔۔۔ نماز, روزہ, قرآن کا کچھہ فائدہ ہے کہ نہیں۔۔۔

بقول میری کزن کے۔۔۔ لوگوں کو سب سے زیادہ اعتراض اس بات پر ہوتا ہے کہ بلی پالنے کا کیا فائدہ ہے۔۔۔ بکری گائے دودھ دیتی ہیں۔۔۔ مرغیاں انڈے دیتی ہیں۔۔۔ ان سب کا گو شت بھی ہم کھاتے ہیں۔۔۔ باقی جانور بھی ہمارے کچھہ نہ کچھہ کام آتے ہیں۔۔۔ بلی تو صرف کھاتی ہےیا بچے دیتی ہے۔۔۔  بھئی کبھی بلی کی آنکھوں میں جھانک کر دیکھیں کتنی معصوم ہوتی ہے۔۔۔ توپاکستانی بھی یہی کرتے ہیں۔۔۔  امریکہ ان کو بھی تو پال رہا ہے۔۔۔

آج صبح بازار گئی تو دکان پر میاں بیوی اپنے پانچ چھہ سالہ بچے کے ساتھہ کھڑے تھے۔۔۔  بیوی سر سے پاؤں تک ڈھکی ہوئی لیسز دیکھنے میں مشغول تھیں۔۔۔ بچہ اسکول کی یونیفارم پہنے دکان کی چیزیں بے جگہ کرنے میںمصروف تھا۔۔۔ اوروالد محترم جو کہ پینتیس سال کے تو ہونگے بہت خوش اخلاق ہونے کی کوشش کررہے تھے۔۔۔ بچے سے کہنے لگے ارے بھئی سلمان خان کیا کررہےہو یہ تودبنگ ہے۔۔۔

میں نے ان سے کہا کہ اتنے چھوٹے بچے کو انڈین اداکاروں اور فلموں کے نام سے پکارتے ہیں اورتوقع کرتے ہیں کہ بچے بڑے ہوکر قائداعظم کی طرح بااصول بنیں گےسارابڑوں کاقصور ہے۔۔۔ تو کہنے لگےارے ےےے اسے تو ساری فلمیں یاد ہیں ٹی وی نے اس کا دماغ خراب کردیا ہے۔۔۔ میں نے جواب دیا کہ ٹی وی بھی بڑے ہی لاکردیتے ہیں بچہ خود تو نہیں خریدتا۔۔۔ اس پر زور سے ہنسے۔۔۔ بیوی خاموش اپنی چیزیں دیکھتی رہیں۔۔۔ اتنے میں پیچھے والے دکاندار نے تیسرے سے زور سے کہا۔۔۔ کہاں ہو بھئی قائداعظم۔۔۔۔۔۔۔ میں نے کہا کہ بچوں کو فخر کروانے کے لئے انڈین اداکاروں کے نام اور کسی کا مذاق اڑانے کے لئے قائد اعظم کے نام کا استعمال۔۔۔

وہ صاحب شیعہ تھےاور اس گلی کے دکاندار سنی ہیں۔۔۔ لیکن اس معاملے میں انکی ذہنی ہم آہنگی دیکھنے کے قابل ہوتی ہے۔۔۔ دل چاہا محرم سے پہلے ہی ان کی عقلوں پرماتم کرلوں۔۔۔

مجھہ جیسے مسلمانوں کے خلاف انکا ایکا مثال بن جاتاہے۔۔۔ تھے تو یہ سب ہمیشہ سے ہی ایسے۔۔۔ لیکن ان کی اس گھٹیا اور پست سوچ کو طاقت اور اعتماد کس نے نے بخشا۔۔۔ کراچی کے عوام کو پاکستانیت کے بجائے ہندوستانیت میں ڈھالنا اور اس جہالت اور بے غیرتی پر فخر کرنا سکھانا۔۔۔ کس کاسب سے بڑا کارنامہ ہے۔۔۔ ورنہ الگ جھنڈےترانے اور قائد کے نعرے کاکیاکام۔۔۔۔۔۔

خیرجو میرا فرض تھا میں نے پورا کیا۔۔۔

ادیبوں اور شاعروں نے کبھی یہ سوچا تھا کہ ان کےآگے آنے والی نسل اس قابل ہے بھی یا نہیں کہ ان کے لکھے کو سمجھنا تو دور کی بات پڑھ بھی سکے۔۔۔  مصوروں اداکاروں گلوکاروں نے کبھی دھیان دیا کہ کل ان کے ملک میں کوئی انکے نام کو پہچاننے والا بھی کوئی ہوگا۔۔۔ اسکول مافیا نے کبھی سوچاکہ لوگ اپنے بچے اسکولوں سے نکال کر کام پر بٹھادیں گے یا بھیک منگوائیں گے تو ان کا کاروبار کیسے چلے گا۔۔۔ ماں باپ سوچتےہیں کہ ان کی اولاد کل کسی کا سہارا بنے گی یا ملک و قوم پربوجھہ۔۔۔ یا کسی بھی پیشے کے لوگ اپنی بقا کاسوچتے ہیں۔۔۔ لیکن ہمارے ہاں ہر فیلڈ کے لوگ شکایتیں کررہے ہیں کہ انکے پروفیشن میں کوئی آگے اسکوپ نہیں ہے۔۔۔ جسکا مطلب یہ ہےاس فیلڈ کے لوگوں نے آپادھاپی کر کے خوب نام اور پیسہ کمایا لیکن مل کر اسے آگےچلانے کی کوشش نہیں کی۔۔۔
ان سب نے یہ تو دکھایا کہ معاشرے میں کیا ہو رہا ہے۔۔۔ کبھی یہ نہ دکھایا کہ کیا ہونا چاہئے۔۔۔ اپنے بچوں کو محل بنادئے جنھیں چھوڑ کے سب باہر چلے گئے۔۔۔ کبھی قوم کے بچوں کے لئے بھی ملکر کوئی کام کردیاہوتا۔۔۔ یہی بچے بڑے ہوکراپنے محسنوں کے نام کو زندہ رکھتے۔۔۔ اس طرح وحشی اور جنگلی پن اور بے حسی کا مظاہرہ تو نہ کرتے۔۔۔ اپنے اپنے کنوؤں میں قید ہو کرہلے گلے مچانے کے بجائے ایک آزاد فضا کاماحول ہی قائم کردیتے۔۔۔ سب ہی خوش ہو جاتے۔۔۔
اور اب بھی کیا کوئی کفارہ ادا کرنے کو تیار ہے۔۔۔ اپنی اپنی غفلتوں کا۔۔۔

About Rubik
I'm Be-Positive. Life is like tea; hot, cold or spicy. I enjoy every sip of it. I love listening to the rhythm of my heart, that's the best

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: